خد القمر للشاعر ابو ماهر الشيزري زيتونة

(( خد القمر ))

إنتي سحر مقطوف من خد القمر 

إنتي عطر مسروق من تم السحر 

إنتي حلا مفلوش عاكمام الزهور 

إنتي حلم هربان من درب القدر 

إنتي مابدك شخص عانفسو غيور 

يتحرك ويمشي متل كل البشر 

بدك شخص حساس في عندو شعور 

يلعب بروحك متل ريشه عالوتر 

ويحملك ويطير عاجناح الطيور 

ويطبع من شفافو على خدودك صور 

ويضل يشرب من بحر عينك خمور 

تايدوب آخر خيط بسراج النظر؟ ؟؟؟

.....

((بقلم أبو ماهر الشيزري زيتونة ))**