الشاعرة شادية دحبور/ الزعلانين فلسطين
ليلى هذا الزمان
باللهجة العامية الفلسطينية
اختفت ليلى العامرية من الميدان
وطلت ست الحسن ليلى هذا الزمان
تراها وردة في كل بستان
لو تريد قطفها تلقاها غالية وما الها اثمان
اجاها قيس اللي فيها هيمان
ووافقت ولبسوا الذبل في البنان
ويوم ورا يوم اشتغل عندها الزنان
وبدت عليه الزن عالاودان
قالت له بدي نت يا ابو سمعان
قال ليش النت
ما انتي شايفة الحال تعبان
قالت ما هي احسن مني مرفت وسوزان
عندهم عالفيس صفحة
قال يا من رح تيجيلي منك السطحة
وتموتني الذبحة
قالت لا يا حبيبي خليها على قلبي صحة
قال طيب ايش بدك في الفيس
قالت اكايد فيه شوشو ونانيس
وابين انك في بحر حبي تغطس تغطيس
وانا في بيتك ملكة مش زي المحابيس
..........
حط ايدو على خدو وقال ايش كمان
قالت ابين عدل ايديه
واكايد فاطمة وحسنة وبهية
اصور احلى الاكلات
المزينة بالكاجو والبندق واللوزات
واعرض البيتزا والمعجنات
ومجموعة مكسرات وحلويات
وصينية الشاي بالنعنع
واحط اشارة لآمال
خليها من سعادتي تفقع
قال كويس ويش كمان
قالت اعرض ملابسي واعمل مانيكان
قالها انتي مش شايفة انو هيك كثيير
قالت بدي الكل يشوف
انهم اغلى من ملابس ايمان وعبير
قالها بغيظ؟؟ رايك صواب
................
قالت وبدي اجمع اكبر عدد من الاصحاب
علشان اشوف مين بيحط شير ولايك
واللي ما بيحط اسكر في وجهو الباب
قالها وانا؟؟
بدي اياك تكون رومنسي
مثل زوج صاحبتي نانسي
قالها من وين بحالهم عرفانة
قالت اخبارنا مع بعض ما بتكون هربانة
قالت حبك بدي كل الناس تعرفو
ودلالك الي كل الناس تكشفو
قالها يعني تنشري اخبار الدار؟؟
قالت خلي الكل منا يغار
قالها ولويوم الكيل عندي طف؛
وضربتك ماية كف
قالت ما بقعدلك في دار
قال بالاول كان مجنون ليلى قيس
واليوم بدي اخليكي مجنونة قيس
وداعا يا عاشقة الفيس .
شادية دحبور/ الزعانين
فلسطين
تعليقات
إرسال تعليق