وكأن العيد كلمات المبدع عادل أبوزيد
نص جديد جديد
وكأن العيد
مش قابل يحضر في غيابك
وكأننا من آخر مرة
ودعتك
ساكن على بابك
وكأن الوقت خلاص متثبت ع التوقيت
متعلقة ليه انتي على الحيط
يا مجملة أحلى جدار في البيت
كانت ساعة
من اخر مرة قابلتك وقفت عقاربها
وانا واخد زاوية قصاد الشاشة
وباتفرج على فيلم قديم
على فيلم طويل وملوش اخر
باتحايل على الفرحة تجيني
وباشدها والفرحة تعافر
مش راضية تكون ضيفتي لساعة
وكأنها فيلم خيال علمي ولا اشاعة
أو واحد من كتر الأحزان موت نفسه
مسكين في الاخر مات كافر
وأنا لسه مع الفرحة باعافر
عادل أبوزيد
تعليقات
إرسال تعليق